Кожнага дня браты Супольнасці рыхтуюць біблійнае разважанне, пасля чаго ёсць час на перабыванне ў цішыні і дзяленне ў малых групах.
Пасля апоўдня адбываюцца варштаты, што маюць дапамагчы паглыбіць рэляцыі паміж вераю і жыццём праз галіны сацыяльнае працы, мастацтва і культуру, шуканне супакою для свету...
Маладзёны, якія запрагнуць таго, могуць правесці выходныя ці нават увесь тыдзень у цішыні, каб мець час выслухаць, што ім у малітве, у Бібліі альбо праз падзеі ў іх жыцці кажа Бог.
Тыповы дзень у Тэзэ
Ад панядзелку да пятніцы
8.15 ранішняя малітва, затым сняданак
10.00 уводзіны дня разам з братам з Супольнасці, пасля чаго крыху часу на рэфлексію альбо дзяленне ў малых дыскусійных групах
12.20 малітва апоўдні, пазней пасілак
14.00 рэпетыцыя спеваў (для жадаючых)
Цягам другое часткі дня: міжнародныя малыя групы дзялення альбо група працы
17.15 гарбата
17.45 тэматычныя варштаты, пачынаючы ад аўторку
19.00 вячэра
20.00 вечаровая малітва, пасля чаго чуванне са спевамі ў храме, і потым цішыня
Пятнічная вечаровая малітва, пасля якой адбываецца малітва вакол Крыжа.
Субота
15.15 тэматычныя варштаты
20.30 вечаровая малітва са свечкамі як напамін пасхальнае таямніцы
Нядзеля
8.45 сняданак
10.00 Эўхарыстыя
13.00 пасілак
18.30 малітва ў цішыні ў храме
19.00 вячэра
20.00 вечаровая малітва
Праграма на тыдзень
Праграма залежыць ад узросту ўдзельнікаў
17-29-гадовыя асобы
Тэматыку сёлетніх спатканняў можна паглядзець на старонцы Тэматыка сустрэчаў.
Цягам тыдня ты звычайна перабываеш у групе моладзі, якая мае падобны ўзрост да твайго. У другой палове дня прадугледжаны таксама шэраг варштатаў, з якіх ты можаш выбраць нешта для сябе. У тыя тыдні, калі ў вёсцы перабывае меней людзей, можа быць адна група для ўдзельнікаў усіх узроставых катэгорый. Ты павінен выбраць, ці прымаць удзель у біблійным разважанні раніцаю, і адразу пасля гэтага ў малых дыскусійных групах, альбо ж пасля біблійнага разважання раніцаю дапамагаць у групе працы, і прыйсці на групы дзялення пасля апоўдня.
Іншаю прапановаю для цябе можа быць перабыванне цягам усяго тыдня ў цішыні, своеасаблівыя духоўныя рэкалекцыі. Гэта час на большую асабістую рэфлексію і малітву. Калі зацікавішся, перайдзі да старонкі Тыдзень у цішыні, прысвечанае гэтае тэматыцы.
25-25-гадовыя асобы
Падчас спецыяльных тыдняў утвараюцца асаблівыя групы менавіта для асобаў у гэтым узросце (звычайна падчас Вялікадня, а потым яшчэ ў ліпені і жніўні).
15- і 16-гадовыя падлеткі
Мы таксама запрашаем моладзь у гэтым узросце, але яны маюць быць з адпаведнае колькасцю кіраўнікоў груп, а таксама быць добра падрыхтаванымі да духу сустрэчы. Яны могуць прыехаць на тыдзень, альбо толькі на выходныя - ад вечара чацвярга да нядзелі.
Кожнага ранку брат з Супольнасці робіць уводзіны да дня. Пасля апоўдня штодня адбываюцца розныя мерапремствы (група працы, малыя групы дзялення, інсцэнізацыя некаторых фргаментаў з Бібліі і г.д.).
Калі ласка, уважліва прачытайце інфармацыю Арганізацыя паездкі групы моладзі ў Тэзэ, бяручы пад увагу асаблівыя варункі, што звязаныя з прыездам групы моладзі гэтага ўзросту.
Асобы, старэйшыя за 30 гадоў
Калі вы жадаеце прыняць удзел у сустрэчах для дарослых, калі ласка, уважліва прачытайце інфармацыю на старонцы Спатканні для дарослых старэйшых за 30 гадоў. Праверце таксама даты тых сустрэч на бягучы год. Вы можаце зарэгістравацца on-line, і потым, калі ласка, чакайце на нашае пацверджанне перад тым, як запланаваць свае планы адносна паездкі.
Бацькі з дзецьмі ад некалькіх месяцаў да 14-гадовых падлеткаў
Мы заахвочваем сем’і з дзецьмі прыязджаць тады, калі ладзяцца спецыяльныя сустрэчы для сем’яў. Калі вы жадаеце паўдзельнічаць у такім спатканні, калі ласка, прачытайце старонку Спатканні для сем’яў. Праверце таксама даты тых сустрэч на бягучы год. Вы можаце зарэгістравацца on-line, і потым, калі ласка, чакайце на нашае пацверджанне перад тым, як запланаваць свае планы адносна паездкі.
